CV De Blouwe

Welkóm op de site vaan CV De Blouwe!

Op zaoterdag 8 fibberwarie 2025 is, nao ‘n sjiek Vastelaovendskonzèr, Maartje Brouwers oetgerope es ierste prinses in de historie vaan CV De Blouwe! Same mèt häöre prins Gemaol Eric geit zie us veur in de Vastelaovendspripperatie! Zie maag us veurgoon es de 69e (soixante-neuf) Hoeglöstigheid en ierste Prinses vaan CV De Blouwe.

Veer kieke oet naor ‘ne sjieke Wolderse vastelaovend, boe Prinses Maartje I bove op de wagel zal stoon op vastelaovendsmaondag in Wolder.

Veur de litste foto’s en filmpkes kint geer terech op euze Snoetsebook-pagina. Höb geer vraoge of opmèrkinge, sjik daan ’n beriech via cvdeblouwe@harmoniewilhelmina.nl.

Veer zien oonderdeil vaan Harmonie Wilhelmina Wolder en veer zien es vastelaovendsgekke ein vaan de veurtrekkers vaan de Wolderse vastelaovend. Euze Hoftempel is de hermeniezaol aon de Tongerseweeg 400 in Wolder, Mestreech. Same met eus Wolderse vastelaovendsvrun vaan CV De Greune en CV Leonidas en eus Belsje vrun oet Vroenhove en Kanne make veer us sterk veur ‘ne fantastische vastelaovend in Wolder en trèkke veer mèt in de einige internationale optoch op vastelaovendsmaondag vaan Groet Mestreech.

ALAAF!

CV De Blouwe