Prins Marco I

Hoeglöstegheid Marco Senten is 54 jaor geleie geboren in Malberg mer woent ondertussen al geruime tied in Daalhof met zien vrouw Petra. Marco en Petra hubbe 3 zäöns, Wesley, Quintin en Neville. Noe heer Hoeglöstigheid is vaan Cv de Blouwe trejt heer in de veutspore vaan ziene ajdste zoon Prins Wesley d’n Ierste dee perceis 10 jaor geleie euver de Wolderse Vastelaovend regeerde. In ‘t dagelijks leve is Marco machinist bij de NS. Heer wèrk hei ondertussen al mie es 30 jaor. Bij us hermenie zit heer bij ‘t bestuur en bekleid heer de functie Minister vaan Logistieke Zaake en BHV. Wijer is Marco samen met zien Petra eeder jaor te vinden achter de eetkraom in euze hoftempel tijdens ‘t vastelaovendkonzèr en prinsoetrope veur de lekkerste bruudjes kroket en frikkendel.