Nuije Hoeglöstigheid CV de Blouwe

‘t Is veur de echte vastelaovendsvierder ‘eindelek’ weer zoe wied, en dit jaor al hiel vreug!WEB_Cvdeblouwe2013
Op zaterdag 19 januari rope veer weer de nuije Hoeglöstigheid vaan CV De Blouwe oet!!

Alle vastelaovendsvierders vaan Wolder weure opgerope ziech te verzamele veur ‘n groet fees in euze eige Blouwe Hoftempel. Download de poster (rechtermuisklik) en haang ‘m veur de veenster.
Um 19:30 uur weure de leden vaan de hermenie en drumband in uniform verwach in de Hoftempel, boe veer aofsjeid zalle neume vaan euze fantastische prins Leon I. Heer heet same met de hiele femilie Van Duurling-Bastiaens gezörg veur ‘ne oonvergeteleke (en good gevulde) Vastelaovend 2012. Neve ‘t enthousiasme en de passie veur de vastelaovend, höbbe de good verzörgde frikkedelle, krokette, sateekes en de nudige extra pilskes de Raod vaan Elf bijnao doen beslete deze prins aon te hawwe.

Wee weurt ‘t?

Naotot veer de Groete Oonbekinde zien gaon ophaole beij ein vaan de bekinde adresse in Wolder, zalle veer naor ‘ne korte roondgaank door Wolder weer trök kaome in de Hoftempel.

Roond 20.30 uur zal de nuije Hoeglöstigheid bekind weure gemaak aon ‘t Wolderse volk. Tijdens en nao de receptie, höbbe veer ‘n fantastisch programma veur uuch in petto!

Eindelek!

Nao ‘t succes vaan veurig jaor höbbe veer de internationale DJ’s De Jefkes weer bereid gevoonde de aovend op te luustere. Same mèt alle Blouwe, zöstervereiniginge, femilie en vrun wil CV De Blouwe gere weer ‘n geweldig fees bouwe tot in de vreuge eurkes, boemèt veer de Wolderse vastelaovendstraditie in iere hawwe!

Veer zien us op 19 januari!

Alaaf! CV De Blouwe

[fb-like]